Back to Chaplains Home Page

Formulary Petitions

RA 220, 370v

Exemplar of a petition to the pope by a third person for reception of an honorary chaplain, here bearing the name of Johannes de Birxis, archdeacon of Chalon-sur-Saône. This name is not on our lists or index, and may be fictitious.

n.d. [ca. 1 Apr 1376?]
Dignetur S[anctitati] V[estre] humilem et devotum oratorem vestrum Johannem de Birxis archiadiacum [sic] vestrum ecclesie Cabilonen[sis] in capellanum honoris e[iusdem] Sanctitatis recipere ac consortio aliorum capellanorum similium (cum privilegiis libertatibus et franchisiis quibus iidem capellani uti consueverunt et utuntur) aggregare, constitutionibus seu revocationibus tam per S[anctitatem] V[estrum] quam per dominos summos pontifices Romanos predecessores vestros [--] incontrarium factis non obstantibus quibuscumque.
Ut in forma.

AAV Arm. LIII n. 17, fol. 12.

A first-person version of the formulary petition, undated, by an unnamed Franciscan friar.¹

Supplicat Sanctitati vestre humilis et devotus vester .. frater professus Ordinis Fratrum Predicatorum quatenus sibi gratiam facientes specialem, ipsumque in cappellanum honoris eiusdem Sanctitatis vestre ac Sedis Apostolice recipere et recipi mandare ac ipsum aliorum cappellanorum eiusdem Sanctitatis vestri consortio dignemini aggregare, et nichilominus de uberiori dono gratie sibi misericorditer providere, quod omnibus exemptionibus, indulgentiis, immunitatibus, libertatibus, privilegiis et exemptionibus quibuscumque possit libere gaudere, iuribus, statutis, consuetudinibus, restrictionibus, revocationibus et aliis predecessorum Sanctitatis vestre ac aliorum Romanorum pontificum in contrarium editis [non obstantibus]quibuscumque cum ceteris.

Signum per Fiat ut petitur propter stilum Cancellarie Sanctitatis vestre.

______________
¹ Ed. Schäfer, p. 112.

Back to the top of the Documents page

Appointment and Oath of a Chaplain of Honor

Collectoriae 358, 164rv

A full registry of the standard letter by which the chamberlain Pierre de Cros appointed a chaplain of honor outside the Curia, asking a local prelate to invest the chaplain and administer the oath.

[164r] Petrus miseratione divina archiepiscopus Bituricensis, domini pape camerarius, reverendo in Christo patri domino .. [Paulo Rainaldi] episcopo Aquilano, salutem in Domino.

Noveritis quod sanctissimus in Christo pater et dominus noster dominus Gregorius digna Dei providentia papa XI., volens venerabilem et religiosum virum fratrem Guillelmum de Turre ordinis minorum conventus civitatis Aquilane supradicte favore prosequi gratie specialis, et supplicationibus pro parte ipsius fratris Guillelmi porrectis super hoc inclinatus, nobis oraculo vive vocis precepit quatenus ipsum fratrem Guillelmum, a presenti Romana Curia absentem, mandaremus recipi auctoritate sua apostolica in cappellanum honoris eiusdem domini nostri pape et Apostolice Sedis, ac cappellanorum honoris prefati domini nostri pape et Sedis iamdicte numero agregari, cum libertatibus, franchesiis, insigniis et aliis in talibus consuetis; nos itaque, volentes mandatum eiusdem domini nostri exequi reverenter, de probitate vestra plenam in Domino fiduciam obtinentes, recipiendi eundem fratrem Guillelmum in cappellanum honoris domini nostri et Sedis Apostolice predictorum, ipsumque roqueto, capa et birreto insigniendi et \consortio/ aliorum cappellanorum dicti domini nostri et Sedis Apostolice prefate, cum gratiis, libertatibus, exemptionibus et aliis privilegiis et immunitatibus consuetis agregandi, et ab ipso iuramentum primitus in forma annotata inferius, tactis evangeliis, recipiendi et cetera agendi vice nostra que in receptione cappellanorum similium per nos ratione nostri camerariatus officii fieri consueta sunt, potestatem dicte paternitati vestre auctoritate apostolica supradicta concedimus, et quoad ea committimus vices nostras. Volumus autem quod predicto fratri Guillelmo de hiis que in hac parte feceritis vestras concedatis litteras opportunas. Nosque per vestras etiam alias litteras super receptione et prestatione iuramenti predicti faciatis exinde certiores ut exinde ipsum fratrem Guillelmum in libro in quo scribuntur alii cappellani valeamus conscribere manu nostra.

Forma autem iuramenti per dictum fratrum Guillelmum prestandi talis est: Ego frater Guillelmus etc. [164v] cappellanus domini pape ab hac hora inantea fidelis ero beato Petro sancteque Romane Ecclesie et domino meo domino Gregorio pape XI. eiusque successoribus canonice intrantibus. Non ero in facto, consilio vel consensu quod vitam perdant aut membrum, vel capiantur mala captione. Consilium quod per se vel nuntium suum seu litteras mihi credituri sunt, signo, verbo vel nutu me sciente ad eorum dampnum seu preiudicium nulli pandam. Si dampnum eorum tractari scivero, pro posse meo impediam ne fiat, quod si per me impedire non possem, per nuntium aut per litteras eis significare curabo vel illi per quem citius ad eorum notitiam deducatur. Papatum Romanum et regalia beati Petri et omnia iura Romane ecclesie que habet ubique manutenebo totis viribus et defendam. [here the text diverges from the oath of a minor penitentiary, as RA 220, 240v-241r] Negotia et officia mihi a domino papa vel eius camerario commissa vel committenda fideliter geram et solicite procurabo, et res que mee custodie committentur ad Cameram vel quoscumque alios pertinentes fideliter custodiam et nichil defraudabo de eis nec permittam ab aliquo defraudari. Supradicta omnia et singula promitto et iuro attendere et observare sine omni dolo et fraude ac malitia, sic me Deus adiuvet et hec sancta Dei evangelia.

In quorum omnium et singulorum testimonium presentes litteras, sigillo nostri camerariatus officii impendenti [--sigillatas] communitas, eidem fratri Guillelmo concessimus, vestre paternitati predicte dirigendas. Datum etc. [30 April 1372]

A Chamberlain's Certificate of the
Reception, Investiture and Inscription
of a Chaplain of Honor

IM 2444

Certificate from Arnaud Aubert, Chamberlain of Urban V, dated Avignon, 20 March 1366. An original parchment letter, not pierced for sealing: certificate of reception of Petrus Rodolphi de Fano as chaplain of honor.²

Universis presentes litteras inspecturis. Arnaldus permissione divina archiepiscopus Auxitanus, domini pape camerarius, salutem in Domino et presentibus fidem credulam adhibere.

Universitati vestre tenore presentium innotescat quod nos de mandato prefati domini nostri pape vive vocis oraculo nobis facto recepimus in capellanum honoris prefati domini nostri pape et sancte sedis apostolice venerabilem virum dominum Petrum quondam Rodolphi domini Raynaldi de Fano, prepositum ecclesie Fanensis, in nostra presencia in Romana Curia personaliter constitutum, ipsumque petentem et requirentem roqueto, capa et birreto ac aliis insigniis, privilegiis ac libertatibus et honoribus aliis capellanis honoris similibus prestari consuetis insignimus et consortio aliorum capellanorum duximus tenore presentium agregandum et in libris aliorum capellanorum domini nostri pape propria manu scripsimus, recepto primitus ab eodem fidelitatis in forma solita iuramento. In quorum fidem et testimonium presentes litteras fieri fecimus, quas sigillo camerariatus nostri impendenti sigillatas sibi duximus concedendas.

Datum Avinione die 20 mensis Martii anno Domini 1366, indictione 4, pontificatus sanctissimi patris et domini nostri domini Urbani divina providentia pape quinti anno IV.
______________
²Daniel Williman, Calendar of the Letters of Arnaud Aubert, Camerarius Apostolicus (1361-1371) (Toronto: Pontifical Institute of Mediaeval Studies, 1992) case # 375

Back to the top of the Documents page

Induction and Oath of a Minor Penitentiary

RA 220, 240v-241r

Avignon, 28 November 1372

Commission to induct fr. Guillelmus de Valen OP as a papal minor penitentiary, although absent from the Curia, administering the oath which is given here in full.

Petrus miseratione divina archiepiscopus Bituricensis, domini nostri pape camerarius, reverendo in Christo patri domino .. [Guillelmo de Pictavia] episcopo Lingonensi, salutem in Domino.

Noveritis quod sanctissimus in Christo pater et dominus noster dominus Gregorius divina providentia papa xi, volens venerabilem et reliogiosum virum fratrem Guillelmum de Valen ordinis predicatorum favore prosequi gracie specialis de religionis zelo litterarum scientia et aliis virtutibus pluribus ipsius fratris Guillelmi plenam in Domino fiduciam obtinentes vobis oraculo vive vocis precepit quatenus ipsum fratrem Guillelmum, a presenti Romana Curia absentem mandamus recipi auctoritate apostolica in penitenciarium suum et Apostolice Sedis cum vadiis et aliis (penitenciariis domini nostri pape in Romana Curia residentibus et dictum penitenciarie officium obtinentibus prestari consuetis). Nos itaque volentes mandatum apostolicum nobis in hac parte datum reverenter exequi ut tenemur, de paternitate vestra plenam in domino fiduciam obtinentes, recipiendum eundem fratrem Guillelmum in penitenciarium domini nostri pape cum vadiis consuetis quamdiu dictum exercebit officium, et ab ipso iuramentum primitus in forma annotata inferius, tactis ewangeliis recipiendi potestatem, dicte paternitati vestre concedimus et quo ad ea committimus vices nostras. Volumus autem quod predicto fratri Guillelmo de hiis que in hac parte feceritis vestra concedatis litteras oportunas. Nosque per vestras etiam alias litteras super receptione et prestatione iuramenti predicti faciatis exinde certiore, ut ipsum fratrem Guillelmum in libro in quo scribuntur alii penitenciarii valeamus conscribere manu nostra. Forma autem iuramenti per ipsum fratrem Guillelmum prestandi talis est:

Ego frater Guillelmus de Valen Ordinis fratrum Predicatorum domini pape penitentiarius ab hac hora inantea fidelis ero beato Petro sancteque Romane Ecclesie ac domino meo domino Gregorio pape undecimo eiusque successoribus canonice intrantibus. Non ero in facto, consilio vel consensu quod vitam perdant aut membrum, vel capiantur mala captione. Consilium quod per se vel nuntium suum [241r] suum seu litteras michi credituri sunt, signo, verbo vel nutu me sciente ad eorum dampnum seu preiudicium nulli pandam. Si dampnum eorum tractari scivero, pro posse meo impediam, ne fiat; quod si per me impedire non possem, per nuntium aut litteras significare curabo eis vel illi per quem citius ad eorum notitiam deducatur. Papatum Romanum et regalia beati Petri et omnia iura Romane ecclesie que habet ubique manutenebo totis viribus et defendam. [At this point the text diverges from the oath of an honorary papal chaplain, as in Coll. 358, 164rv.] Et adiutor eis ero ad retinendum et defendendum contra omnem hominem. Resque ipsius domini pape et Ecclesie Romane que mee custodie committentur diligenter custodiam et fideliter conservabo. Ambassiatas etiam et quecumque alia negotia michi commissa portabo fideliter et referam sine fraude. Et quod pro confessionibus audiendis vel absolutionibus faciendis seu aliis que spectant ad meum officium, nichil omnino per me vel alium exigam vel petam aut recipiam, etiam sub titulo vel specie elemosine vel ensenii seu mutui vel alio quovis modo. Et quod non absolvam vel dispensabo scienter in aliquo casu michi non permisso, nec quemquam scienter absolvam a peccato vel peccatis in aliquo casu ambiguo, nec etiam in huiusmodi casu ambiguo scienter cum aliquo dispensabo nisi de speciali mandato Romani pontificis vel penitentiarii maioris cui exprimam dictum casum, sine alicuius revelatione vel expressione persone. Et quod non iniungam penitentias pecuniarias expresse, michi vel alicui certe persone vel ordini meo vel alteri applicandas. Super restitutionibus vero iniungendis et faciendis servabo prout est per dominum Benedictum papam XII ordinatum.

Et supradicta omnia et singula promitto et iuro attendere et observare sine omni dolo et fraude ac malitia. Sic me Deus adiuvet, et hec sancta Dei ewangelia.

In quorum omnium et singulorum testimonium ac fidem premissorum presentes litteras sigillo nostri camerariatus officii inpendenti communitas eidem fratri Guillelmo concessimus vestre paternitati predicte dirigendas. Datum Avinione die dicesimaoctava mensis Novembris anno a nativitate Domini m.ccc.lxxii, indictione decima pontificatus prefati domini nostri pape anno secundo.

Oath of an Auditor

³
ch. X Juramentum auditorum palatii in Ratio iuris of John XXII (16 Nov 1331)³

The words of the oath within the brackets are the same as those of the chaplains of honor and the minor penetentiaries.

Ego .. auditor [domini pape ab hac hora inantea fidelis ero beato Petro sancteque Romane Ecclesie et domino meo domino Gregorio pape XI. eiusque successoribus canonice intrantibus. Non ero in facto, consilio vel consensu quod vitam perdant aut membrum, vel capiantur mala captione. Consilium quod per se vel nuntium suum seu litteras mihi credituri sunt, signo, verbo vel nutu me sciente ad eorum dampnum seu preiudicium nulli pandam. Si dampnum eorum tractari scivero, pro posse meo impediam ne fiat, quod si per me impedire non possem, per nuntium aut per litteras eis significare curabo vel illi per quem citius ad eorum notitiam deducatur. Papatum Romanum et regalia beati Petri et omnia iura Romane ecclesie que habet ubique manutenebo totis viribus et defendam.] Negocia et officia michi a domino .. papa vel eius vicecancellario commissa vel committenda fideliter geram et sollicite exercebo et specialiter officium auditoris sacri palatii in reddendo iustitiam cuicunque. Dona vel munera seu ensenia aut obligationem vel promissionem super illis per me vel alium seu alios a partibus coram me causas habentibus seu earum aliqua vel a notariis deputatis ad scribendum coram me acta dictarum causarum vel ab aliis pro iisdem seu eorum nomine non recipiam quinymo omnes familiares et officiales meos omni diligencia qua potero faciam abstinere. Nec etiam pro sigillo meo nec pro rubricis faciendis in causis in quibus sum vel fuero deputatus auditor, nec alio quesito colore aliquid recipiam nec a predictis meis officialibus seu familiaribus recipi permittam. Consilia vero coauditorum meorum secrete data secrete tenebo, usquequo in causa sententia sit prolata. Supradicta omnia et singula promitto et iuro attendere et observare sine omni dolo et fraude. Sic me Deus adiuvet etc.
______________
³Tangl, Kanzleiordnungen, p. 45-46. We authors have supplied the wording within the brackets.

Gregory XI's Constitution:
Quamvis a felicis

Gregory XI's Constitution containing his regulations intended to reform abuses in the rota.⁴

Avignon, 1 Mar 1375
Gregorius episcopus servus servorum Dei ad perpetuam rei memoriam.

Quamvis a felicis memorie Johanne XXII. et Benedicto XII Romanis pontificibus predecessoribus nostris circa auditores causarum palatii apostolici a c patronos, procuratores, notarios, et personas alias, ad examinationem et expeditionem causarum ac conscriptionem actorum ordinatos seu deputatos, quamplura salubria statuta fuerint et etiam ordinata, quia tamen post illa sepius est compertum propter perniciosas subtilitates et intricationes quarundam causas plus debito prorogari et sepius partibus prejudicium generari; nos in hoc, prout ex debito tenemur pastoralis officii, quantum possumus salubriter providere volentes, iam provisis remediis per dictos predecessores eorumque statutis et ordinationibus in suo robore remansuris, auctoritate apostolica statuimus:

1. Quod advocatus, antequam causam dirigendam suscipiat, super deliberatione habenda et repulsione clientuli, si in principio vel prosecutione cause noverit eam esse iniustam, per omnia constitutionem eiusdem Benedicti predecessoris nostri et iuramentum super hoc prestitum observet; et idem statuimus in procuratore quocunque.

2. Item quod advocatus, cum causam prosequendam susceperit, libellum sive petitionem, positiones et articulos, exceptiones et defensiones ordinet vel saltem ordinata examinet et corrigat, et in eis, antequam producantur coram auditore, se subscribat, et processum, cum necesse fuerit, videat et in hiis in procuratore non confidat; alias, auditores ipsos non admittant, nisi causa rationabilis allegatur et nichilominus, dum convictus fuerit, quod in premissis se negligenter vel maliciose habuerit, advocatus per auditorem cause ad tempus vel in perpetuum, prout sibi videbitur, officio advocationis privetur et nichilominus in expensis cause factis per suam partem omnibus vel parte earum condempnetur, prout videbitur libero arbitrio auditoris.

3. Item procurator ante sententiam, si pars advocatum habeat, absque ipsius consilio non appellet et appellationem quamcumque per ipsum interpositam n on prosequatur sine consilio et assensu advocati, si ut premittitur advocatum habeat, de cuius consensu in principio prosecutionis cause appellationis appareat auditori in huiusmodi appellationis causa deputato saltem per subscriptionem alicuius scripture producende; et si per auditorem postea compertum fuerit appallationem manifeste esse frivolam, advocatus et procurator puniantur (vel solus procurator, si sine advocato prosequatur causam) in expensis cause appellationis, ut in fine proximi precedentis capituli continetur. Et si super hoc dubium oriatur, utrum appellatio sit manifeste frivola vel non, illud dimittimus diffinitioni libere auditoris.

4. Item quod procurator in relationibus non turbet advocatum allegantem sed audiat patienter, nisi erraret in facto vel in actis cause; et tunc sine umultu cum reverentia et honesto modo exprimat tantummodo illud in quo erratur in facto; si contrafecerit, auditor referens ipsum suspendat ab officio pro modo culpe, prout ei videbitur, imperpetuum vel ad tempus, vel infra summam viginti quinque florenorum ipsum possit multare, ita quod vel suspensionis vel multe penam possit imponere secundum quod magis sue placuerit voluntati.

5. Item quod notarius secreta cause, et specialiter illa de quibus habuerit auditor collationem cum eo et alia que ex officio debet secreta tenere, directe vel indirecte non revellet nec extra domum faciat copiari processus; collationem faciat et videat si copia concordat cum originali processus; et postquam avisamenta per ipsum auditorem fuerint posita, ut moris est in processu, notarius diligenter et secrete custodiat registrum nec etiam a suis clericis possint dicta avisamenta videri. Qui notarius per se testes, cum ei commissum fuerit, examinet et depositiones testium scribat, quas, ut dictum est, de registro viso per auditorem secrete teneat, donec fuerint publicate. Et si notarius contra premissa temeritate propria venire presumpserit, officio notariatus per auditorem privetur, et insuper omnes et singuli notarii dicti palatii pro officiis ad scribendum coram auditoribus obtinendis aut retinendis vel ut notarii ipsi in pluribus seu pinguioribus causis per huiusmodi auditores ad scribendum deputentur, per se vel per interpositam personam nichil dent directe vel indirecte etiam esculentum vel poculentum aut promittant seu eorum nomine datum vel promissum persolvant seu persolvi faciant vel procurent.

6. Item quod advocati, procuratores et notarii servent per omnia ordinationem Johannis et Benedicti predecessorum nostrorum predictorum, et de servandis tam istis quam contentis in dictis constitutionibus eorundem Johannis et Benedicti prestabunt in principio sui officii et singulis annis, secundum formam datam in eis, corporaliter iuramenta.

7. Item si procurator a parte mandatum habuerit de retinendo advocatum, ipsum retinere et pecuniam quam a parte sive clientulo suo pro advocato habuerit, eidem advocato omnino tradere teneatur. Si vero sine advocato causam susceperit prosequendam, non recipiat, nisi quantum procuratori per constitutionem eiusdem Benedicti predecessoris est taxatum; et si contra aliquod premissorum fecerit, de hoc convictus per auditorem, officio procuratoris privetur et nichilominus teneatur restituere quod accepit.

8. Item quod non impetrentur per principales vel eorum procuratores commissiones super articulo gravaminis, nisi prius datis epistolis per iudicem a quo fuerat appellatum; et si contrafecerint, commissio sit nulla et processus habitus per eandem.

9. Item quod non credatur per auditorem procuratori nec parti, si pretendat se advocatum habuisse in causa, nisi de hoc fidem faciat sufficienter vel per relationem advocati, adhibito proprio iuramento; et tunc etiam examinet, quid per eum factum fuerit in causa, ut per hoc sciatur, quantum ei pro salario debeatur.

10. Item si procurator aliquod calumpniosum scienter proponat in negotio et propter hoc fieri debeat condempnatio expensarum, quod ipse procurator in expensis huiusmodi condempnetur et non dominus cause, nisi in subsidium ipso existente non solvendo.

11. Item quod auditor procuratorem calumpniosum aliquod proponentem repellat ab officio et eidem penam imponat, removendo ipsum imperpetuum vel ad tempus, prout suo libero arbitrio videbitur faciendum.

12. Item quod detur auditoribus potestas, quod excommunicatos a se sive sint partes principales seu eorum procuratores vel testes, si reperti fuerint in sua contumacia persistentes etiam cum eorum participibus specialiter monitis valeant aggrevare.

13. Ut igitur huiusmodi nostra statuta et ordinationes, que per perpetuis futuris temporibus duratura censemus, inviolabiliter observentur et ne illa ob memorie labilitatem humane oblivione dentur et etiam, ut auditores, advocati, procuratores et notarii prelibati per ordinationum et statutorum eorundem inspectionem assiduam circa eorum observanciam curatius et vigilantius sint attenti: volumus et statuimus, quod ordinationes et statuta nostra huiusmodi de verbo ad verbum in Cancellarie et predicte Audiencie litterarum nostrarum registris ex integro conscribantur, quodque cum aliis statutis et ordinationibus predictorum Johannis et Benedicti predecessorum nostrorum singulis annis prima audiencia post festum Dedicationis beati Michaelis [in Monte Gargano: 29 Sep] solemniter legantur in Audiencia supradicta et quod quilibet auditorum, advocatorum, procuratorum et notariorum predictorum penes se copiam conservet et habeat eorundem. Nulli ergo etc.

Datum Avinione kalendis Martii anno quinto.
______________
⁴Tangl, Kanzleiordnungen ch. XXI, p.128-131.

Back to Chaplains Home Page